開台都成立了超過兩年，節目數量一直都增長中，距離飽和的目標不遠了。

最初開台只在星期二、四、和六播放，初期有七個節目，播放時間由晚上十一時，至午夜十二時，其中一晚更延長至凌晨一時。當初選擇二四六的原因，是想平均把工作分配，沒有特別原因。

後來節目多了，二四六不足以應用，逐漸改為星期二至六，後來發現星期六播放會影響主持和幕後人員休息，於是取消星期六時段，改為星期一時段代替。

至於播放時間，由晚上十一時至凌晨一時，逐漸提早至晚上八時三十分至凌晨一時。當有特備節目或節目有需要加碼時，有些時候更提早至晚上七時，這樣會對幕後人員構成壓力，畢畢竟開台仝人都是為了興趣攪好網台，日間還要工作。

講回時間表，現在的時間表星期一會較遲播放，差不多九時正，星期五較早播放，七時三十分便有節目。明年一月會推出新時間表，會再把星期一至五時段平均分配。屆時各主持亦會相繼收到通知，以便製作新宣傳聲帶。當然，明年一月亦有新的節目推出，暫時賣個關子先，會在適當時候公佈。

雖然開台不算是什麼營商網站，總覺得商業價值可能一點也沒有，但都算是投入互聯網界，總要了解整個互聯網行業的運作。

整個 Barcamp 有接近三十場分享討論，我便去了其中數個，其餘時間和業界代表交談。開台會於12月17日起，推出Bar Camp  Hong Kong 2007精選錄音，內容由言論自由去到商業投資都有。有興趣了解香港資訊科技行業運作者，不容錯過。

回家後，自己盤算開台下次可以再做些什麼，想來又想去，改完再改，不過可以肯定的是，開台會於一月份有大改動，詳情留意開台公佈。

--
大腦電波

夜晚收到主持河馬仔的ＭＳＮ喜訊，上星期五《賽馬ＷＱＴ》貼中第六場－10開心天地+13奧利皇子冷Q派$9372；而第九場再接再厲，再中－12風雲浪子+9龍的風采+1企業精神，三重彩派$22291！

我要恭喜一下河馬仔，亦多謝他所作出的努力。

其實，我覺得，主持只要默默耕耘，提供好的內容就可以。我亦見河馬仔精心把節目經營，佢有係其他賽馬論壇宣傳，並與多個論壇合作，轉播《賽馬ＷＱＴ》節目，吸納更多聽眾１今次中爆冷，河馬仔的努力沒有白費。

我雖然唔賭馬，但我亦希望河馬等主持，繼續搞好《賽馬ＷＱＴ》。

－－
大腦電波

「去廁所時間」是斑紋的心血，還是由他去講好一點。小弟在這裡，不妨談談「影畫春秋」。

有些東西，基本上幾乎是本能，例如斑紋的廣告節目，大腦的博客節目。對於小弟，就是電影節目。

說穿了，還是最初「開台」成立時需要一些節目，那是我們由零開始，可算是扭盡六壬，有的「朋友牌」都幾乎全用出來。「影畫春秋」就是一個這樣環境下出現的節目。

不過，大家也想到的是，找一個人講戲，可以十分沉悶。結果就是，要找超過一名主持。對於一個藉藉無名的網台，實在談何容易。

幾經辛苦，終於找到志同道合的dieman，在大家亂打亂撞之下，開始了第一集「影畫春秋」。那時的錄音器材，只是一部第四代40Gb iPod加一個錄音module。大家在幾乎零準備之下，開始了這個旅程。

的確，只有熱誠不夠，因為做網台電影節目，其實比起主流電台的更難。怎樣難法？下回再談。

- Ryan

入到K房，大家好似大鄉里咁，竟然主菜唔係唱歌，而係玩Wii。

我地揀左好幾十首歌，唱左幾首後，又玩Wii，大家又打網球，打保齡，打BOXING~~

果然未試過唱K唱到咁累!!!

－－
大腦電波

於是，我上星期四上黎節目錄播室，做一集節目嘉賓之餘，亦上黎調校mixer。

他們的器材都好專業，有二台mixer，和四台不同牌子的手提電腦，有用Vista也有用XP。不同的mixer和手提電腦的組合，要調校的位置唔同。有D手提電腦效果好靜，有D就係電流聲好多，真係要慢慢較。結果，前前後後花左差唔多兩個鐘頭時間。

原來mixer買番黎，要先調校，試音，先至會好聽一Ｄ，唔會爆音或太多卡拉OK式echo。轉第二台mixer或將mixer轉去第二台電腦收音，亦同樣要調校，先至會有最好的效果。

調校好mixer後，大家都好滿意，之後大家去左一間幾出名的糖水舖食糖水。佢地一星期都黎錄播室幾次，搵左好多嘉賓黎錄旅遊專題節目，我真係要多謝佢地。

P.S. 其實開台係冇固定 office，所謂的「錄播室」就係錄音的地方。

－－
大腦電波

呢個節目就係由一班行山朋友主持，三個單位包括《街坊茶樓》、《開台》、同埋《Vicma特區》製作，就係...「行山節目」。

大半年前，我接受《街坊茶樓》的邀請，上黎做節目嘉賓，講點解我要「開台」。其後控制員哥哥PC168知道我鐘意行山，就主動同我聯絡，想合作製作一個行山節目，我就於是答應。

其後大家都有點忙，大家都就快唔記得之際，上個月我就搵番PC168，再商量行山節目，PC168有一個心水的主持，於是就膽粗粗寫信邀請。

Vicma收到邀請信，便打電話俾PC168，得知我也來做行山節目，作為認識接近十年的朋友，於是一口答應。

錄音當晚，仍然未度好節目名。本來大家係一個網址討論節目名，但無人記得print出黎，於是係錄音正式開始前，先至度節目名，結果就定左《上山容易樂山行》。

當晚錄左兩集，Vicma果然係專家，講左好多路線的秘訣，連某些鄉郊士多邊O的特產都知。我太耐無行山啦，某些地方都唔記得左，所以都唔係出好多聲。不過PC168同Vicma表現好好，近乎係專業級水準。

究竟我地介紹乜野地方呢？我暫時賣個關子，不過肯定係好多人想去的地方，新節目《上山容易樂山行》於10月10日起星期三晚8:30至9:00於開台首播。

－－
大腦電波

其實「開台」呢個名非常簡單，係借用forum上的「開台」呢個名。「開台」呢個本地網絡名詞，源於forum上，係指使用網上串流軟件（例如Shoutcast）轉播聲音的行為。好多網友在自己的電腦建立Shoutcast廣播伺服器，然後於forum和newsgroup公佈幾時開咪。到了開咪時間，網友在電腦檯前開咪和播歌，就係咁簡單。據非正式統計，香港有大約六百個大大小小的網台。

「開台」另一個含義，就係想做就做。以往用Shoutcast做得到，依家做一個公開式的網台亦都可以。既然我以前都係屋企開Shoutcast做電台，依家叫「開台」就係想將呢股文化發大。

其實好多人細個都會發乜乜夢，包括會發DJ夢。十幾年前，每次吒叱903請DJ，都有一大批人通宵達旦咁排隊，可見好多人都想開咪。

自己曾經試過排隊，當然自己係讀新聞稿盲，發音也不太正，無奈都要出局了。

不過自己長大後，有自己的職業，發覺興趣和職業係兩回事。所以長大後都無再發呢個夢了。

直至有一天上網，上forum睇到好多網友話今晚10點《Ｘ哥電台》開台，或者今晚12點《茶Ｘ廣播站》開台，所以自己都玩上呢個玩意，間唔中播下歌，做下清談節目黎開台。開頭都係即興式，玩玩下，之後有一日開咪既時候，發現爆server，新聽眾唔能夠駁上server收聽，於是邊做節目邊打電話叫朋友聯播。當晚播放完後，就同另一位主持人研究有冇可能發大黎攪，於是就成立左「開台」呢個網上電台。而呢位朋友，後來亦成為開台其中一個主持人。

究竟「開台」呢個名係點解，背後有乜野含義，下一集再談。